Шилэн дансны тухай хуульд зааснаар төсөвт байгууллагууд 5 саяас дээш үнийн дүнтэй гүйлгээ бүрээ нийтэд ил тод мэдээлж байхаар тусгасан. Хууль хэрэгжсэнээр маш олон төсвийн зарлагын мэдээллүүд ил болсоор байна. Үүний нэг нь Улаанбаатар хот ОХУ болон БНСУ-д төлөөлөгчийн газартай бөгөөд тэдгээрт сар бүр 24 сая төгрөг зарцуулдаг болох нь ил боллоо. Дор дурдсан мэдээллээс харахад, Москва дахь төлөөлөгчөөр Мөнхчулууны Мөнхцэцэг, Сөүл дэх төлөөлөгчөөр Баттөмөрийн Дулмаа нар ажилладаг ба нийслэлийн төсвөөс тэдэнд сар бүр нийтдээ 12 сая төгрөгийг шилжүүлдэг байна. Үүнд, цалин, контор, бусад зардлууд багтдаг ажээ.
