Нийслэлийн Засаг даргын Тамгын газрын Шилэн дансны мэдээлэл дунд нэгэн сонирхолтой гүйлгээ байдаг нь анхаарал татлаа. Энэ нь “Жижиг мөнгөн сан” гээч юм. “Бага хэмжээтэй” мөнгийг хэлж байгаа юм болов уу гэтэл үгүй бололтой. Тус сан руу үе үе багавтар гүйлгээ хийгдэж байснаа наймдугаар сард зохион байгуулсан Даншиг наадмын нэрээр хоёр удаа, нийт 140 орчим сая төгрөг орсон байна. Тухайлбал, эхний 136 сая төгрөг Улаанбаатар хотын хувьд “жижиг мөнгө” юм болов уу? Байгууллага бүрт бэлэн мөнгөний касс байдаг. Тэгвэл нийслэлийн ЗДТГ уг касснаас гадна ийм сантай байгаа нь ямар учиртай вэ?
Ер нь тус газрын нярав Болормаа данснаас байн байн бэлэн мөнгө гаргаж авдаг нь шилэн данснаас харагддаг ба хэрхэн зарцуулсан нь огт мэдэгддэггүй. Гэтэл дахиад “жижигхэн” мөнгөний сан гарч ирлээ.
| НЗДТГ-ын жижиг мөнгөн сан | 2015-07-30 | 7,018,000 | НЗД-ын А/632, А/634, А/635-р захирамжаар Зочин төлөөлөгч хүлээн авах зардал |
| НЗДТГ-ын жижиг мөнгөн сан | 2015-07-30 | 900,000 | НЗДТГ-ын даргын А/97-р тушаалаар Архивын Улсын үзлэгийн бэлтгэл ажлын зардал |
| НЗТГ жижиг мөнгөн сан | 2015-08-06 | 136,924,500 | НЗД-ын А/647-р захирамж (Даншиг наадам) |
| НЗТГ жижиг мөнгөн сан | 2015-08-07 | 5,000,000 | НЗД-ын А/647-р захирамж (Даншиг наадам)аар бэлтгэл ажлын зардал |