Хотын татварын тухай хууль 2015 оны аравдугаар сарын 1-нээс хэрэгжиж эхлээд байгаа билээ. Энэхүү хуулийг хэрэгжүүлэхийн тулд нийслэлийн Засаг даргын Санхүү, эдийн засгийн асуудал хариуцсан орлогч Н.Батаа бүр наймдугаар сард захирамж үзэглэж, Засаг даргын нөөц хөрөнгөнөөс 297,4 сая төгрөг гаргахаар шийдвэрлэсэн юм. Харин нийслэлийн ИТХ-ын албан ёсны шийдвэр 9-р сарын 29-ны өдөр гарсан юм. Ингээд уг мөнгийг хэрхэн хуваарилж, зарцуулах нь тодорхойгүй ч аль хэдийнэ зарцуулаад эхэлснийг “хотын татвар хэрэгтэй” гэсэн янз бүрийн сурталчилгаанаас харж болно.
